(جمارك-ضريبة مبيعات-الضريبة السنوية)علافتهم ب(دعم المحروقات-السعة اللترية-

عايزين نعمل حلقات نقاشية لتعديل القوانين الخاصة بالمركبات لكي يتحرر المواطن من جشع التجار و للحفاظ على البيئة و تشجيع خلق صناعة وطنية تنافسية .
سبب تضخم اسعار السيارات
السيارة حتى 1600 سي سي :
40 % ضريبة جمركية
15 % ضريبة مبيعات
3 % رسم تنمية

السيارة أكبر من 1600 حتى 2000 سي سي :
135 % ضريبة جمركية
30 % ضريبة مبيعات
5 % رسم تنمية

السيارة أكبر من 2000 سي سي :
135 % ضريبة جمركية
45 % ضريبة مبيعات
8.5 % رسم تنمية

حساب إجمالي الضرائب الجمركية ( بالجنية المصري ):

أ. حساب القيمة سيف (cif) للسيارة:

القيمة فوب للسيارة (بالجنية المصري) = قيمة السيارة (بسعر المصنع) × سعر صرف ( للعملة الخاصة ببلد إنتاج السيارة )

القيمة سيف للسيارة = القيمة فوب + مصاريف النولون (من ميناء الإنتاج) + مصاريف التأمين + مصاريف التفريغ

ب- حساب اجمالي الضرائب الجمركية :

1ـ الضريبة الجمركية = القيمة سيف × نسبة الضريبة الجمركية

2ـ ضريبة المبيعات = ( القيمة سيف + الضريبة الجمركية ) × نسبة ضريبة المبيعات

3ـ رسم تنمية الموارد = ( القيمة سيف + الضريبة الجمركية + ضريبة المبيعات ) × نسبة رسم التنمية

** إجمالي الضرائب الجمركية= الضريبة الجمركية + ضريبة المبيعات + رسم تنمية موارد .


يتبع

اضم صوتي لصوت حضرتك بس يا ترى مين يسمع كلامنا في البلد دي لينا ربنا

متاابع معاكو

الرسوم و الضريبة السنوية :
http://www.photobox.co.uk/my/photo/f...id=20567522650
http://www.photobox.co.uk/my/photo/f...id=20567522761
* اعتقد اغلبنا ليس لديه اعتراض على الرسوم و الضرائب السنوية الحالية.



- اغلب قوانين رسوم جمارك و ترخيص و ضرائب المركبات وضعت فى عهد عبد الناصر (عصر اشتراكي غير عادل رغبا فى تحسين وضع الفقراء و لكنه اثبت فشله) و تم تطويرها بمرور الزمن بدون تغيير جذري يتناسب مع متطلبات العصر.

المشكلة/ سببها /حلها :
* اعتماد القوانين فى كافة التعريفات (جمارك-تراخيص-ضرائب) على السعة اللترية.
* القوانين تمنع استيراد السيارات المستعملة الملاكي مهما كانت حالتها .
* طبعا فكرة الجمارك القائمة فى كل دول العالم هو حماية الصناعة الوطنية من نفس المنتج
* بما اننا نفتقر الى الصناعة الوطنية الحقيقية فالهدف الاساسي من الجمارك هو مصدر اساسي من مصادر الدولة لتغطية عجز الدولة (الناتج من وجهة نظري الشخصية بسبب الدعم اللى بتقدمه الدولة )
(حجم دعم المحروقات فى 2012-2013 بلغ 120 مليار تقريبا و فى 2014 تم خفض الدعم 50 مليار استخدمت لتطبيق الحد الادنى و غيره )
(الجمارك مع اوروبا فى 2019 حتكون صفر %)
*من مشاكل استخدام السعة اللترية عدم وصول الدعم لمستحقيه(الفقراء) - حرمان المواطن القادر من الاستفادة من قدرته (الاغنياء) (افتقاد المواطن لحرية الاختيار)- عدم وجود مقيياس بيئي للمركبات -النظام الحالي باكمله يمنع قيام صناعة وطنية حقيقية .

الحلول :
* مبدئيا لازم نواجه واقع ان دعم الوقود فى خلال سنتان او ثلاثة حيبقى صفر ( النهاردة بنزين 92 ب 2.6 و السعر الحر ب 5 تقريبا )
(انا واحد من الناس متفق مع الغاء دعم الوقود)
* اذا كان الوقود فى خلال سنوات بسيطة حيتحرر من الدعم فلازم يكون فى المقابل تحرر لاجمالى الضرائب الجمركية على السيارات .
(الخلاصة ان اجمالي الضريبة الجمركية تقل مع رفع اسعار الوقود و دا حيعوض دا )
(و يكون فى نهاية المطاف اجمالى الضريبة الجمركية نسبة بسيطة لا تتعدى 15% لاعلى فئة)
(بمعنى انا لو بشتري عربية متجمركة ثمنها 100 الف بدون جمرك ب 40 الف لو البنزين ب 5 مثلا حيكون معايا 60 اقدر اشتري بيهم 12000 لتر فى النهاية المواطن كسبان و الدولة كسبانة كله كسبان . )
* الحل الاهم و الاكثر عقلانية
ربط كافة التعريفات بمعدل استهلاك السيارة (L/Km) .
(يكونوا خمس فئات مثلا بحيث يعمل اللتر فى الفئة الاولى من 10-15 كم و الثانية من 16-20 كم و الثالثة 25-30 كم و الرابعة من 31-35 كم و الخامسة فوق 35 كم)
( بالنظام دا الفقير و الغني حنبسطوا جدا و الدولة حتنبسط و حيكون عندنا حافز اقوى لتأسيس صناعة وطنية جادة )
(الفقير حيستفيد ازاى ؟ ... حيفكر باسلوب اقتصادي و بالمبلغ اللى حيكون معاه حيفكر يجيب الاقل استهلاكا و دى حتكون تقريبا معفاه من الجمارك و فى نفس الوقت حيكون معاه سيارة اللتر مثلا بيعمل من 25-35 كم ... لما نيجي نبص على حالهم قبل الفكرة السابقة حتلاقي الفقير لما بيجيب عربية بيحاول يجيب موديل ثمانينات و دى بتاكل قطع غيار و وقود و وقت و مجهود و غير مرحية و مكلفة جدا )
(الاغنياء طبعا حيكون اتفتح قدامهم باب كبير يختار اللى نفسه فيه مع الحفاظ على اختيار الاقل استهلاكا... بمعنى ممكن يختار عربية بسعة لترية اعلى من 2000 cc و بمعدل استهلاك قد يكون اقل من 1.5 او 1.3 كمان و دا موجود فعلا و اشهر مثال فى مصر كل سيارات ال SUV اللى بتنزل برا بمواتير 2000 سي سي او اعلى و هنا ب 1.6 بيكون ال 1.6 استهلاكه اعلى بكتير .... الدولة حتستفيد ازاى ؟ ان القادرون مش حياكلوا الوقود المدعم اللى مش حيبقى مدعم اصلا و لكن الاهم هو السعي فى عدم وجود عجز فى الوقود )
(ازاى الموضوع دا حيخلينا نفكر فى صناعة ؟ ... حيكون عندنا اعلى تكنولوجيا تحت ايدينا و دي حتكون الخطوة اللى نبتدى منها و منفضلش عايشين فى راجعية و على ما نبتدي نلاقي العالم سبقنا تانى )
* عمل شرائح لانبعثات ثانى اكسيد الكربون (carbon dioxide emission)
(علشان نشجع الحفاظ على البيئة و نحافظ على صحة المواطن )
(الانبعاثات تكون برده فئات بناء على دراسة )
*تغيير القانون اللى بيمنع استيراد السيارات المستعملة الملاكي و تتفتح لحد 3 او 5 سنوات ورا مثلا (و يكون لكل اسرة احقية استيراد سيارة واحدة كل مدة معينة مثلا) و دى حتحل مشاكل رهيبة كتير جدا .
(طبعا ممكن الدولة تفتح لباب ملاك السيارات القديمة انهم يعملوا احلال و يستوردوا زيرو رخيص استهلاك قليل انبعاثات اقل و نتخلص من السيارات القديمة المستهلكة من ال 127 و 128 و غيرهم )
(خفض اسعار السيارات المستعملة فى مصر لمستوى معقول و مقبول )
(التخلص من ظاهرة بيع سيارات الحوادث بالغش لان حتكون تكلفة تصلحها يفوق تمنها )
(التخلص من جشع تجار قطع غيار المستعمل )

* الحفاظ على اعفاء السيارات الكهربائية من الجمارك

* طبعا البنزين لازم ينضف شوية و الرقابة تكون اكثر شدة


يتبع

يا باشا دنتا قلبك ابيض اوى
هقولك بض على حاجه واحده
شوف من يمتلك توكيلات السيارات فى مصر
و انتا تفهم ان مفيش قانون واحد هيتغير

اقتباس:

---

المشاركة الأصلية كتبت بواسطة minicooper20

يا باشا دنتا قلبك ابيض اوى
هقولك بض على حاجه واحده
شوف من يمتلك توكيلات السيارات فى مصر
و انتا تفهم ان مفيش قانون واحد هيتغير

---

طيب السكوت مش حيبقى الحل .
مهما كانوا اصحاب التوكيلات مين . خليك فاكر انك المستهلك لمنتجاته فبدونك لا تباع منتجاته.
(لو بطلنا نشتري زيرو و نبيع المستعمل لمدة عام كل التوكيلات حتنام )
و في نفس الوقت لازم الدولة تحمي المواطن و تقلل عنه شوية .
و هو دا اللى بتكلم فيه بتكلم عن السلطات دولة لحماية المواطن من جشع التجار .
مصر فيها نوعين من التوكيلات:
1- توكيل تقريبا فى منهم محترم و بيجمع سيارات و هما قليلين جدا
2- توكيل ابن حرام بيستورد سيارات كاملة.

حال البلد:
المواطن البسيط لما بيفكر يشتري عربية بيفكر (ميزانية - رخص قطع الغيار - اعتمادية )
فبتلاقي ناس كتير تتجه لل 127 و 128 و 323 و 131 و غيرهم يعني احنا بنتكلم في عربيات الثمانينيات باسعار من 10-25 الف .
هل دول فيهم اى اعتمادية او رخص قطع غيار طبعا لا (انا بتكلم عن عام من الاستهلاك ) لانها سيارات اتهلكت شغل و رغم رخص قطع الغيار و لكن بتغيرهم كذا مرة فى السنة مع عدم وجود قطع غيار اصلية زيرو.

لو الموضوع دا اتعمل دي حتبقى البديل للفئة دي
Used MIRA DAIHATSU for Sale | BF337996 | Japanese Used Cars Exporter BE FORWARD

ثمنها 1300$
ثمن نقلها الى مصر 1500$
يعنى 2800$ = 20000 تقريبا
اقتصادية ادمية اعتمادية

مفيش حد شايف ان الموضوع يستحق النقاش

سعتك انا متابع موضوعك من يوم الجمعة وبصراحة مفيد جدا ومستني تنزل الجزء الثاني بس على فكرة الحكومة بتفكر ازاي تشيل الدعم جزئي من اول شهر 4 2015 وفي نفس الوقت زيادة الحصيلة الجمركية والضراب لتحسين الخدمات ولو مستني ان رفع الدعم يواكب ازالة الجمارك يبقا بتحلم علشان الحكومة مش هتسيب الموضوع كدة دة غير الزيادة في سعر الصرف والتي تأكل اي تخفيض جمركي دة الى جانب الزيادة التي تفرض على الموديلات الجديدة
سؤال بسيط لية الحكومة مصرة على استخدام الشعب لزبالة العربيات ؟

اقتباس:

---

المشاركة الأصلية كتبت بواسطة s7oda

سعتك انا متابع موضوعك من يوم الجمعة وبصراحة مفيد جدا ومستني تنزل الجزء الثاني بس على فكرة الحكومة بتفكر ازاي تشيل الدعم جزئي من اول شهر 4 2015 وفي نفس الوقت زيادة الحصيلة الجمركية والضراب لتحسين الخدمات ولو مستني ان رفع الدعم يواكب ازالة الجمارك يبقا بتحلم علشان الحكومة مش هتسيب الموضوع كدة دة غير الزيادة في سعر الصرف والتي تأكل اي تخفيض جمركي دة الى جانب الزيادة التي تفرض على الموديلات الجديدة
سؤال بسيط لية الحكومة مصرة على استخدام الشعب لزبالة العربيات ؟

---

هسيادتك متابعتك دي شرف كبير
كدا كدا الدعم حيتشال دا واقع في المستقبل القريب لا مفر منه

علشان كدا انا قلت وجهة نظري

اذا كانت الدولة في خلال سنوات قليلة حتوفر عشرات المليارات فما الداعي لعدم خفض الجمارك كما هو الحال في الدول التى بلا دعم

انا بحاول افكر بايجابية بصوت عالي و لو كان حلم حافضل احلم بيه

و بقول اذا كان خفض الجمارك يصب في مصلحة المواطن فاعتقد ان الدولة لن تكون العقبة
و بلاش يا جدعان سلبية و نقول الدولار حيزيد مش حنستفيد باي حاج

اسعار العملات مربوط بالنمو الاقتصادي و الاستقرار( الموضوع اللى بتكلم فيه بيشجع النمو و الاستقرار )

و اللى بيحصل على ارض الواقع بينبأ بعكس كدا ان ممكن في خلال سنوات بسيطة يقل الدولار والله اعلم

موضوع ان البلد بتجبر الشعب على العربيات الزبالة ---- الحل فى تعديل بعض القوانين زي اللى اتكلمنا عليه

لما الغي الجمارك او اخفضها لنسبة بسيطة معقولة كدا بفتح باب منافسة قوي جدا ما بين التوكيلات و شركات الاستيراد و في نفس الوقت اسمح باستيراد المستعمل بشروط معينة ( و في مقابل تعدم سيارة يكون عمرها اقدم من 20 عام مثلا )

دايما ممكن يكون في حلول بسيطة و سريعة و مؤثرة

بس نكون ايجابيين


و شكرا على التفاعل

اقتباس:

---

المشاركة الأصلية كتبت بواسطة mif

هسيادتك متابعتك دي شرف كبير
كدا كدا الدعم حيتشال دا واقع في المستقبل القريب لا مفر منه

الله يخليك ويكرمك الشرف لينا

علشان كدا انا قلت وجهة نظري

اذا كانت الدولة في خلال سنوات قليلة حتوفر عشرات المليارات فما الداعي لعدم خفض الجمارك كما هو الحال في الدول التى بلا دعم

هل الدولة هتخفض ايراد داخل ليها بدون اي تكاليف (وهو حصيلة الجمارك ) بكل بساطة ؟



انا بحاول افكر بايجابية بصوت عالي و لو كان حلم حافضل احلم بيه

مش انت بس بتحلم كلنا ...ابسط مثال في كوكب السعودية الشقيق لما عربية مرسيدس 2011 تتباع في السعودية ب 90 الف ريال حرام والا حلال ...لما الباجيرو الكاملة فئة 3800 سي سي تتباع زيرو ب 114 الف ريال يبقا تسمي دة اية

و بقول اذا كان خفض الجمارك يصب في مصلحة المواطن فاعتقد ان الدولة لن تكون العقبة
و بلاش يا جدعان سلبية و نقول الدولار حيزيد مش حنستفيد باي حاج

اسعار العملات مربوط بالنمو الاقتصادي و الاستقرار( الموضوع اللى بتكلم فيه بيشجع النمو و الاستقرار )

و اللى بيحصل على ارض الواقع بينبأ بعكس كدا ان ممكن في خلال سنوات بسيطة يقل الدولار والله اعلم

موضوع ان البلد بتجبر الشعب على العربيات الزبالة ---- الحل فى تعديل بعض القوانين زي اللى اتكلمنا عليه

لما الغي الجمارك او اخفضها لنسبة بسيطة معقولة كدا بفتح باب منافسة قوي جدا ما بين التوكيلات و شركات الاستيراد و في نفس الوقت اسمح باستيراد المستعمل بشروط معينة ( و في مقابل تعدم سيارة يكون عمرها اقدم من 20 عام مثلا )

دايما ممكن يكون في حلول بسيطة و سريعة و مؤثرة

بس نكون ايجابيين
قولنا نكون ايجابيين ازاي ؟ واحنا بنحلم وقربنا نموت على نفسنا من الحلم بركوب سيارة نظيفة وبتكلفة بسيطة ...الموضوع محتاج ثورة ضد الزبالة والاستغلال (من الدولة ورجال الاعمال )في حياتنا

و شكرا على التفاعل

---

فى الموضوع ده بالذات ... و بنظرة سريعة لقرارات الحكومة ... انا متشائم لأبعد الحدود .. و لا ارى اى بارقة امل فى التعديل الجيد .... بسبب عدم محاولة تغيير طريقة التفكير ...
السؤال .... ليه الناس متغيرش طريقة لتفكير ؟! علشان المصالح ... علشان فيه ناس بتستفيد من القرارات و القوانين الى بتطلع ... اخر ناس بتستفيد ... هو الشعب المصرى

الاقتصاد .... القوانين .... سياسة البلد العامة .. الخطة المستقبلية الاقتصادية .... الحاجات دى بتكون منظومة متكاملة ...
بمعنى ... من الصعب انك تعدل الجمارك فقط ... و تترك النظام المصرفى و فائدة البنك المركزى زى ما هية

من الصعب وضع خطط طموحة و فعالة لنمو الاقتصاد ..... و تترك نظام الجمارك زى ما هو .. و هكذا

السؤال ..... ليه اخفض الجمارك ؟؟!! فكر فى السؤال ده من وجهة نظر وزير المالية

زى ما حضرتك ذكرت .. الدولار مرتبط بالانتاج و الاستقرار ...... مين الى قال لحضرتك ان الدولار مش حيرتفع اكتر فى الفترة القادمة ؟؟!!
لما مؤشرات الانتاج ترتفع ... ممكن ... الدولار يقل ... طاب ترتفع ازاى ؟؟!! ببساطة جدا ... حضرتك كمواطن مصرى حتشعر بالارتفاع ده قبل ما الدولار ينخفض .... لما يكون عندنا صناعة تستطيع استبدال المنتجات الصينية على الاقل ... و بالطبع انا اقصد بجودة افضل من المنتجات الصينية

فين المنافسة بين التوكيلات ؟؟؟!!! التوكيلات تعقد اتقاقات فيما بينهم لتقسيم السوق المصرية بينهم ... زى ما كليك و موبينيل زمان كانوا بيعملوا ... تنسيق شبه تام فيما بينهم

كفاية كدة علشان لا اصيبكم بالاكتئاب اكثر :)

اقتباس:

---

المشاركة الأصلية كتبت بواسطة ahmed_eng2001

فى الموضوع ده بالذات ... و بنظرة سريعة لقرارات الحكومة ... انا متشائم لأبعد الحدود .. و لا ارى اى بارقة امل فى التعديل الجيد .... بسبب عدم محاولة تغيير طريقة التفكير ...
ليه نتشائم .... ادينا ماشيين فى موضوع الغاء جمارك السيارات الاوروبية فى 2019
و بكرة بدل ما واحد يروح يشتري من التوكيل حيروح لمكتب استيراد و يستورد انضف حاجة و بسعرهاا من غير اشتغلات توكيل شايل و توكيل حاطت و لعب مقرف


السؤال .... ليه الناس متغيرش طريقة لتفكير ؟! علشان المصالح ... علشان فيه ناس بتستفيد من القرارات و القوانين الى بتطلع ... اخر ناس بتستفيد ... هو الشعب المصرى

هو دا الهدف من طرح الموضوع اننا نعرف العالم ماشي ازاى و ايه ابسط الحقوق و اهم الواجبات
من واجبتنا كلنا نعرف حقوقنا و نطالب بيها و نقدم حلول للطرفين للحكومة و للشعب
يعنى الجمارك كبيرة ليه >>>> علشان دعم الوقود
طيب الدعم لازم حيجي يوم و يتشال لانه فكرة عقيمة و مش بيوصل لكل مستحق و بيتسرق
يبقى لازم مع رفع الدعم اخفض جمارك
كلام بديهي يرضي الطرفين

الاقتصاد .... القوانين .... سياسة البلد العامة .. الخطة المستقبلية الاقتصادية .... الحاجات دى بتكون منظومة متكاملة ...

اكيد منظومة متكاملة
بمعنى ... من الصعب انك تعدل الجمارك فقط ... و تترك النظام المصرفى و فائدة البنك المركزى زى ما هية

من الصعب وضع خطط طموحة و فعالة لنمو الاقتصاد ..... و تترك نظام الجمارك زى ما هو .. و هكذا

السؤال ..... ليه اخفض الجمارك ؟؟!! فكر فى السؤال ده من وجهة نظر وزير المالية

زى ما حضرتك ذكرت .. الدولار مرتبط بالانتاج و الاستقرار ...... مين الى قال لحضرتك ان الدولار مش حيرتفع اكتر فى الفترة القادمة ؟؟!!
تقصد ان مفيش لا انتاج و لا استقرار و دا مش حيخليه ينخفض ... صح كدا

عموما احنا بايدينا بنحط مستوى و سعر للجنيه امام الدولار


لما مؤشرات الانتاج ترتفع ... ممكن ... الدولار يقل ... طاب ترتفع ازاى ؟؟!! ببساطة جدا ... حضرتك كمواطن مصرى حتشعر بالارتفاع ده قبل ما الدولار ينخفض .... لما يكون عندنا صناعة تستطيع استبدال المنتجات الصينية على الاقل ... و بالطبع انا اقصد بجودة افضل من المنتجات الصينية

الله ينور عليك هو دا كلام
لازم يكون عندنا ما يميز مصر زى زمان
ما يميزها فى الزراعة و الصناعة و الخدمات الترفيهية و الثقافية و غيرها

فين المنافسة بين التوكيلات ؟؟؟!!! التوكيلات تعقد اتقاقات فيما بينهم لتقسيم السوق المصرية بينهم ... زى ما كليك و موبينيل زمان كانوا بيعملوا ... تنسيق شبه تام فيما بينهم

عندك حق بيقسموا و كانهم شركة واحدة محتكرة المجال
بس هل ممكن نمنع دا .... ايوا ممكن
الدولة عليها دور .... طبعا
يبقى لازم نعرف ازاى نوصل استيائنا للتوكيل و لصانع القرار

كفاية كدة علشان لا اصيبكم بالاكتئاب اكثر :)
قول براحتك ادينا بنفكر مع بعض بصوت عالى يمكن نحل المشاكل

---

اقتباس:

---

المشاركة الأصلية كتبت بواسطة s7oda

هل الدولة هتخفض ايراد داخل ليها بدون اي تكاليف (وهو حصيلة الجمارك ) بكل بساطة ؟

يا سيدي الفاضل انا بتكلم من واقع احصائيات جكومية
اولا :خفض دعم الوقود العام السابق نتج عنه توفير اكثر من 50 مليار جنيه فى العام
ثانيا :حجم جمارك السيارات فى 2014 اقل من 2.5 مليار جنيه 2 مليار عن الملاكي و نصف عن النقل
ثالثا :جمارك السيارات قلت بالفعل من 4.5 مليار عام 2011 الى 2.5 عام 2014 رغم زيادة الاستيراد
رابعا ا:لعديد من المستوردين يخدعون الدولة و بسرقة الجمارك المفروض دفعها يا اما باوراق مزورة من المصدر او بدفع رشاوى لمصلحة الجمارك و يقدر حجم الجمارك الفعلية المهدرة 25 مليار جنيه سنويا (يبقى بدل ما مافيا السيارات تاكل مليارات على قفا الشعب .... يبقى لا الغي الجمارك و اطلع خطوة اخرى فى رفع دعم الوقود بعقلانية لان الزيادة 5 قروش بتساوى 3.5 مليار توفير فى دعم الوقود ..... و لازم اخفض ثمن ال 95 علشان اشجع الناس تستفيد من السيارات الاوروبية التى تعمل بوقود 95 )(اهو الدولة اولى من التاجر الحرامي )
خامسا: قلت كتير يا جماعة اللى بيجمع بيتحاسب بتعريفة المصنع غير تعريفة المستورد
سادسا : اذا كانت الدولة بتحصل من جمارك السيارات بضع مليارات ففى اول خطوة فى رفع دعم الوقود وفرت عشرات المليارات .
سابعا : لا يوجد ما يمنع من الغاء جمارك السيارات و خاصة الملاكي (لانه مقياس تقدم الدول ... ماينفعش نبقى عايشين فى القرن ال21 و لسة ملايين المصريين بيركبوا مويلات الستينات و السبعينات و حتى الثمانينات و لسة فيه ملايين بيفكروا فيها )
ثامنا : جمارك السيارات بتمثل اقل من ثلث الجمارك المصرية بالكامل فى عام اللى هو اقصى رقم وصلتله فى 5 سنين اللى فاتوا 16 مليار تقريبا جنيه اقصى رقم اتحقق .
تاسعا : لازم الدولة توجد منتج مصري عملى جدا اعتمادي جدا مريحة جدا مجهزة بكل ما يحتاجه المواطن باقل سعر ممكن(و ننسى ايام الهبل بتاع النصر من اول رمسيس لحد الشاهين ) .... عمل مصانع لمحركات بتكنولوجيا مصرية او شراء تكنولوجيا يابانية فى البداية كما تفعل الصين و لكن شراء افضل من ما تشتريه الصين و مصانع لناقل الحركة و اخرى للعفشة و اخرى للصناعات المغذية ....
و ياريت لو اول صناعة وطنية تخرج من الجيش ... بحيث يجمع المهندسين و الفنيين و يقضوا فترة خدمتهم فى تطبيق عملى فيما تعلموه و يصبح دو خبرة و قيمة فى سوق العمل .
و لازم نواكب العصر من العمل بجد على السيارات الهجينة و السيارات الكهربائية(البحث العلمى )
يبقى بنخفض الجمارك و فى نفس الوقت بنرفع الدعم و الاهم بنوجد صناعة وطنية حقيقية

يبقى تخلصنا من المتسلقين اللى عملوا مليارات على قفا الشعب من جمارك مهدورة و دعم مسروق و فى نفس الوقت بنخلق منافسة شريفة و صناعة و وطنية

مش انت بس بتحلم كلنا ...ابسط مثال في كوكب السعودية الشقيق لما عربية مرسيدس 2011 تتباع في السعودية ب 90 الف ريال حرام والا حلال ...لما الباجيرو الكاملة فئة 3800 سي سي تتباع زيرو ب 114 الف ريال يبقا تسمي دة اية

حنبقى احسن من كدا كمان .... و لكن لكل مجتهد نصيب

---

http://www.nilemotors.net/Nile/46815...post3875953437


مفيش فايدة

الحلم ميزعلش ادينا بنحلم كلنا

اقتباس:

---

المشاركة الأصلية كتبت بواسطة ahmed_eng2001

http://www.nilemotors.net/nile/46815...post3875953437


مفيش فايدة

---

انا قريت

و دا اللى انا فهمته و دى وجهة نظري ....... و لسة في فايدة


[gdwl]
معلش
اللى انا فهمته ان الاتفاقية التجارية بين مصر و الاتحاد الاوروبي حيكون نتيجتها فى 2019 صفر جمارك

الكلام اللى فوق دى تصورات عملتها مصانع تجميع السيارات فى مصر و ليس جهة حكومية ( انا ما عنديش المقال بس بيقرأ من الجزء اللى باين )

فطبعا الدول الاسيوية بتتظلم .... ازاى اوروبا بدون الجمارك و الاسيوي بجمارك

فمكتوب ان النظام دا حيطبق على من هم دون اوروبا و تركيا و اغادير

بحيث يكون جمارك السيارات 10% فقط فى مقابل زيادة ضريبة و الكلام على من هو غير اوروبي

طيب الكلام دا بيفيد اللى بيجمع جدا جدا و بيضر اللى بيستورد جدا جدا
مفيهوش مشاكل من ناحية المستهلك اللى حيشتري منتج مجمع محليا
و حيضر اللى حيشتري منتج اسيوي مستورد



علشان نبسط المعلومة و حتى لا تتحول الى اشاعة

1- الاقتراح قادم من مصانع تجميع السيارات و ليس جهة حكومية
2- جماركنا مع اوروبا صفر و دا الدولة حتعوضه ان المنتجات الاوروبية لن تعمل الا ببنزين 95 (يبقى الغاء الجمارك مقابل رفع الدعم )
(دا غير ان فى خلال ال 4 سنين دول لحد 2019 باقي المنتجات البترولية حتتحرر من الدعم بشكل جزئي او كلي )
3-الهدف ان جمارك مع اوروبا صفر و الجمارك مع اسيا 10 %
4- المنتفع المجمع المحلي و المضار المستورد
5- الضريبة بيتكلموا عن السيارات الاغير اوروبية

لا تستطيع الدولة المساس باتفاقية التجارية مع الاتحاد الاوروبي
و لو فرضوا ضرايب بعد خصم الجمارك حيعتبروها تلاعب بالاتفاقيات الدولة و حيقاضوا مصر امام المحكمة الدولية
و مصر حتخسر كتير جدا من المنافع الاوروبية
صحيح جمارك اوروبا صفر بس اغلب عربياتهم بنزينها حيبقة ب 6 جنيه على الاقل
على عكس الدول الاسياوية اللى مازالت بتصنع عربيات كربيراتير و بتمشي ببنزين 80 (ابو دعم اللى بخصر الدولة ) [/gdwl]

من كل قلبى ... اتمنى ان تكون هناك بارقة امل مخفية عنى ....
اتمنى ان امتلك سيارة مرسيدس موديل 5 سنين فاتو ... مش موديل السنة الحالية ... انا مش طماع ... و تكون بسعر معقول بالنسبة لامكانياتى ( خليها غالية بالنسبة لامكاناتى ... انا موافق )

انا حطيت مشاركة الموضوع علشان اقول ان الحكومة حتزود اى حاجات علشان تعوض فرق الجمارك

للأسف ..... انا عند رأيى .. انا لسة متشائم و معنديش امل .... الى ان اجد تغيير حقيقى فى طريقة التفكير

الراجل الى بيحط القوانين من 50 سنة فاتوا ... لسة عايش حتى الان ... و هو الى بيحط القوانين

طب نغير .... نغلط مرة واحدة ... و نحط قانون غلط مرة واحدة ... يريح الناس .. مفيش ... مش لاقى

اقتباس:

---

المشاركة الأصلية كتبت بواسطة rotanamasoud

الحلم ميزعلش ادينا بنحلم كلنا

---

لو بطلنا نحلم نموت

بس لازم نحلم علشان نحقق احلامنا

شكرا لمرورك

اقتباس:

---

المشاركة الأصلية كتبت بواسطة ahmed_eng2001

من كل قلبى ... اتمنى ان تكون هناك بارقة امل مخفية عنى ....
اتمنى ان امتلك سيارة مرسيدس موديل 5 سنين فاتو ... مش موديل السنة الحالية ... انا مش طماع ... و تكون بسعر معقول بالنسبة لامكانياتى ( خليها غالية بالنسبة لامكاناتى ... انا موافق )
ان شاء الله هناك امل دائما ..... و حتركب اللى احسن من المرسيدس

انا حطيت مشاركة الموضوع علشان اقول ان الحكومة حتزود اى حاجات علشان تعوض فرق الجمارك

ما تقلقش على الدولة اذا كان عن فرق الجمارك فاكيد الدولة عاملة حسابها

للأسف ..... انا عند رأيى .. انا لسة متشائم و معنديش امل .... الى ان اجد تغيير حقيقى فى طريقة التفكير

الراجل الى بيحط القوانين من 50 سنة فاتوا ... لسة عايش حتى الان ... و هو الى بيحط القوانين

طب نغير .... نغلط مرة واحدة ... و نحط قانون غلط مرة واحدة ... يريح الناس .. مفيش ... مش لاقى

الراجل بتاع القوانين دا من اكتر من 60 سنة و مات ماتقلقش ..... بس فعلا نتمنى ان الدولة تبص بنظرة مستقبلية طموحة و تعمل تحسينات فى القوانين تناسب العصر

---